ပင်လယ်ကြီးလို နေပါ
ပင်လယ်ကြီးလို နေပါ
- By, Admin
ကလေးငယ်တစ်ယောက် ပင်လယ်အရောက်မှာ လိူင်းခတ်သွားတာကြောင့် ဖိနပ်ပျောက်၍သွားသောအခါ “ပင်လယ်ဟာသူခိုး”လို့ သဲပြင်မှာရေးပြီး သူစွပ်စွဲတယ်..တံငါသည်လင်မယား ငါးများစွာရတဲ့တစ်နေ့မှာပေါ့”ပင်လယ်ဟာကျေးဇူးရှင်”ပါလို့သဲပြင်မှာရေးပြီး ကျေးဇူးတင်တယ်..လူငယ်တစ်ယောက်ပင်လယ်ရောက်ပြီး လိူင်းရေတွေကြား နစ်မြုတ်သေသွားသောအခါ သူ့အမေက”ပင်လယ်ဟာ လူသတ်သမား”ပါလို့ သဲပြင်ထက်မှာ သူရေးခဲ့တယ်..မရှိဆင်းရဲသားတစ်ယောက် ပင်လယ်အောက်မှအဖိုးတန်တဲ့ ပုလဲကိုကောက်ရတဲ့အခိုက်မှာ”ပင်လယ်ဟာတန်ခိုးရှင်”ပါလို့သဲပြင်ထက်မှာ တင်စားရေးခဲ့တယ်..သူတို့ရေးထားသမျှ စာအားလုံးက သိပ်မကြာခင်မှာပဲ လှိုင်းရေတွေရဲ့ ပုတ်ခတ်မူ့ကြာင့် သူ့အလိုလို ပျောက်ပျက်ခဲ့ရတယ်..။
ပင်လယ်က သူ့ကိုဘယ်သူတွေ ဘယ်လိုထင်ထင် ဘယ်လိုမြင်မြင် ဘယ်လိုပဲတွေးတွေး ဘယ်လိုပဲရေးရေး ပင်လယ်က ပင်လယ်ပါပဲ..သူ့တာဝန် သူ့သဘာဝအရ ပြောင်းလဲလည်ပတ်နေတာကလွဲလို့သူ့အတွက် ဘာမှဖြစ်လာနိုင်စရာ အကြောင်းမရှိပါဘူး..လူ့လောကမှာလည်း ဒီလိုပါပဲ..အကောင်းနေမလား အဆိုးနေမလား ဝမ်းနည်းနေမလား ဝမ်းသာနေမလား အဆိုးလုပ်မလား၊ အကောင်းလုပ်မလား၊ ဘယ်လိုပဲနေနေ ဘာတွေပဲလုပ်လုပ်လူတွေရဲ့ နှုတ်ဖျားက စကားတစ်ခွန်းနဲ့ လွတ်ကင်းသွားတယ်လို့ မရှိပါဘူး..။ အမြဲတမ်းဝေဖန်ပုပ်ချ ခံနေရမှာပဲလေ။ကြိုက်သူက အကောင်းပြောမယ်၊ မကြိုက်သူက မကောင်းပြောမယ်၊ လူအားလုံးရဲ့စကားကို လိုက်ပြီးခံစားမနေပါနဲ့ ။ဘယ်လောက်ထိ နားကျည်းစရာတွေနဲ့ ကြုံနေပါစေ အချိန်တန်တော့လည်း အရာတိုင်းဟာသူ့အလိုလို တဖြည်းဖြည်းနဲ့ ပျောက်ကွယ်သွားကြတာမို့ ပင်လယ်လိုပဲနေလိုက်ပါ..။
Credit: မူရင်း
